Imbagħad tara t-Times u fil-paġna ta’ quddiem issib l-aħbar “Students take harbour cruise with Prime Minister“.

Jiġifieri l-Maltastar żammew l-aħbar u eleminaw kompletament lill-persuna li dwarha kienet l-aħbar, jiġifieri l-Prim Ministru. Immaġina kieku għamlu l-istess meta ġie l-Papa Malta – jagħmlu artikli sħaħ bla ma jsemmuh. Xi titli li kienu jagħmlu kienu jkunu:

- “Ħafna nies joħorġu fit-toroq li ġew irranġati dal-aħħar”.

- “Żgħażagħ imorru l-waterfront bil-katamaran – kumbinazzjoni jkun hemm ħafna nies jistennewhom u anki jkun hemm palk għall-kant”.

- “Il-monument ta’ quddiem il-Mambra f’Ħal Luqa jitgħatta għal ftit sekondi sakemm tgħaddi karozza bajda”.

“We have become so accustomed to reading news items about censorship and bans on religious grounds that our instinctive reaction has become a lame joke and a smile. It’s sad really“.

Ovvjament tat-Times ma rawx l-ironija fil-fatt li ċċensurawli l-kumment ukoll.

- il-PN ser jiddiskutu d-divorzju internament;

- il-Private Member’s Bill ta’ JPO ma tgħaddix u tintesa;

- il-PN ser jiddeċiedu li fil-manifest elettorali jgħidu li ma jaqblux mad-divorzju;

- JPO mhux ser jaqbel u mhux ser jitħalla joħroġ għall-elezzjoni – skuża tajba biex jeħilsu minnu;

- l-MLP ovvjament ma jgħidu xejn fil-manifest tagħhom għax Muscat ser jagħmilha biss bħala Private Member’s Bill oħra ġaladarba jkun Prim Ministru;

- il-kampanja tat-tnejn li huma sa tkun ibbażata fuq il-moralita’ ta’ x’għandu jkun tajjeb għaċ-ċittadini mfissda tagħna;

- il-knisja Kattolika sa jkollha rwol importanti iktar mis-soltu fir-riżultat tal-elezzjoni;

- id-divorzju innifsu sa jintesa għal xi għoxrin sena oħra jitla min jitla.

Nispera li ma jiġrix hekk, imma sfortunatament din naħseb li sa tkun l-istorja. Kellmuni ħames snin oħra. Il-weekend it-tajjeb.

Apparti din ser nagħmlu attivita’ oħra kontra l-omerta’, fejn ser niltaqgħu flimkien fil-pjazzez ta’ Malta waħda waħda u kulħadd jgħid xi ħaġa li ilu jżommha ġo fieh u ma jistax iżomma iktar. Simili għall-iSpeaker’s Corner ta’ ħdejn Hyde Park f’Londra, ser inkunu qed nistennewkom sabiex tgħidu li taħsbu fuq l-omosesswali, il-familji l-ġodda li jmorru kontra kull morali u anki biex tikxfu l-pastażati li qed jagħmlu t-tfal tagħkom. Min jaf xi ħaġa fuq xi qassis jew membru tal-kleru jekk jgħoġobkom nitolbuh iżommha għalieh.

L-aħħar waħda f’sensiela ta’ kitbiet tal-biki (daqs kemm tidħak meta taqrahom), l-argument mid-dehra huwa Clyde Puli… jew le?

The question arises.

Illuminawni għax ma fhimtx x’inhu eżatt il-punt ta’ dawn it-tip ta’ artikli. Li fhimt biss huwa li min jikteb dawn l-editorjali jridha tal-intelliġenti. U l-messaġġ irid iwassalulna b’Inġliż ikkumplikat biex jurina kemm jaf. Urina, urina, ħalli jkollna biex nehdew.

Biss dan l-editur għandu jiftakar ħaġa waħda: li jekk il-midja Laburista trid tattira il-parti mill-elettorat li taf taqra, u tippreferi, taqra bl-Ingliż, hemm bżonn Ingliż aħjar. Anki l-elettorat li fl-aħħar mill-aħħar ma jaqbilx mal-partit Laburista jixraqlu aħjar – għax jixraqlu Ingliż li jirnexxielek għallinqas tifhmu u tiddeċiedi jekk taqbilx miegħu jew le.